GENERAL SANTOS CITY – Nagpadayon ang paningkamot sa lokal nga panggamhanan sa sayong pag-abot sa bulto sa mga bakuna alang sa syudad.
Matud pa ni City Mayor Ronnel Rivera nga adunay komunikasyon ang syudad sa tanang pharmaceutical company pinaagi sa multipartite agreement apil ang Task Force COVID, DOH, LGU og mga pharmaceutical companies alang sa gi-order nga Astrazeneca og Novavax vaccine gawas pa sa ihatag nga libreng bakuna gikan sa national government.
Gibutyag sa mayor, dili pa muabot karon nga bulan o sa Mayo ang naasoy nga bakuna kon dili gibanabanaang mahidangat kini sa syudad sa tali bulan sa Setyembre o Oktobre.
Nasayran nga anaa sa kinatibuk-ang 600,000 vials sa covid vaccine ang target sa syudad og may dugang nga vials nga ihatag ang gobyerno aron makab-ot ang herd immunity.
Gipaniguro sa mayor nga andam ang syudad sa muabot nga bulto sa bakuna tungod adunay storage facility ang syudad.
