GENERAL SANTOS CITY – Nagdeklara na ug state of calamity ang LGU gensan gumikan sa national dengue epidemic.
Kini human matala kaniadtong Agusto 2 ang kamatayon sa singko anyos nga batang babaye nga ikatulo sa mga namatay nga biktima. sa City Epidiomology and Surveilance Unit namatay ang biktima human maadmit sa tambalanan.
Sa kasamtangan mitala na sa 791 ang mga biktima sukad Enero hangtud August 9, 2019.
Mukabat usab sa 45 percent nga mas taas kumpara sa data sa miaging tuig nga 544 ka mga kaso.
Labing daghan sa biktima ang nagpuyo sa calumpang. Una nang gibutyag sa City Health Office nga wala pa sa ouitbreak level ang ihap sa mga biktima apan nagdeklara na ug national epidimic ang DOH kagahapong adlawa hinungdan nga nagdeklara usab ug state of calamity ang dakbayan.
Tumong niini aron makasiguro nga adunay pundo ang LGU aron batukan ang dengue gani nanghatag ug test kit ang city health aron magamit sa mga rural health unit.
Samtang padayon usab ang panawagan sa publiko nga ipadayon ang pagpanglimpyo matag alas kwatro sa hapon aron mahilayo sa dengue.
