GENERAL SANTOS CITY – Aprobado na ang plano sa pagpatukod og dugang COVID 19 facility sa Dr. Jorge Royeca Hospital.
Matud pa kang City Mayor Ronnel Rivera nga walo ka andana ang maong gambalay kung asa unahon sa pagtrabaho ang unang upat ka andana gumikan sa kakulangon sa pondo.
Anaa sa P80 million ang inisyal nga budget alang sa pagpatukod sa dugang nga COVID 19 facility sa syudad .
Kahibaluan nga halos puno na ang mga ospital sa syudad sa mga pasyente sa COVID 19 og daghan ang natakdan hinungdan nga mas gitutukan ang health care system.
Tungod niini mas daghan ang maserbisyohan nga mga pasyente tungod dili masayran ang mga sunod nga mga panghitabo.
Ang Dr. Jorge Royeca Hospital maoy COVID 19 facility sa syudad nga usa ka pampublikong hospital nga dili kaayo daghan ang gigahin nga hospital beds alang sa maong mga pasyente tungod gaserbisyo pa sa laing mga nagkasakit.
