-- ADVERTISEMENT --
GENSAN – Gipasigarbo sa lokal nga panggamhanan ning siyudad ang nahimong kalampusan sa mga atleta sa dili pa lamang dugay nahuman nga Batang Pinoy Mindanao Games, nga natigayon sa Oroquita City.
Matud ni Lady Manalo sa City Sports Division, sa 77 ka mga LGUs sa tibuok Mindanao, ikauha ang dakbayan.
Nanguna matud pa ang Davao City nga may 64 gold medals, 35 silver ug 27 bronze.
Samtang ang GenSan ang may 50 gold medals, 53 silver ug 58 ang bronze. Nasayran nga mukabat sa 120 ka atleta ang gipadala sa Gensan itandi sa Davao City nga dul-an sa 200 ka mga atleta.
Kahibaluan nga ang mga nahimong gold medalists ang apil sa finals nga ipahigayon sa Baguio City sa Setyembre ning tuiga.
-- ADVERTISEMENT --
