GENSAN – Gibarugan ni Mayor Lorelie Geronimo Pacquiao nga dili niya itugot nga magpadayon ang mga supladong pamatasan sa mga empleyado sa lokal nga gobyerno, ilabina sa pag-atubang sa katawhan.
Kini ang gibutyag sa alkalde human madawat ang reklamo gikan sa usa ka Edukar Scholar nga gipasanginlan nga gisupladahan sa usa ka trabahante sa City Hall atol sa gipahigayon nga pay-out para sa mga scholars sa Gensan Oval Plaza niadtong .
Sumala sa estudyante, na-late siya og lima ka minutos sa takdang oras sa pagpanagtag sa pinansyal nga tabang, apan imbes nga sabton, giatubang siya og kasaba ug kasuko.
Gipasabot pa sa mayor nga kung adunay personal nga problema ang usa ka empleyado, kinahanglan nga ibilin kini sa balay ug dili dad-on sa trabaho aron malikayan ang tensyon ug kasamok sa serbisyo publiko.
Giila ni Mayor Pacquiao nga dako ang papel sa mga frontliner ug government worker sa pagtukod og pagsalig sa publiko, busa gikinahanglan nga matinahuron ug mahimamaton sila sa tanang panahon.
Gipasiugda usab sa mayor nga usa ka imbestigasyon na ang gisugdan karon aron masuta ang kamatuoran sa insidente.
Gipasa na sa buhatan ni Gensan City Administrator Shandee Llido-Pestaño ang proseso sa pagkuha sa pahayag sa gireklamong empleyado
Nagpabilin nga determinado si Mayor Pacquiao nga palig-onon ang matinud-anong serbisyo publiko sa syudad ug irekord nga aduna gyud silay baruganan batok sa bisan unsang matang sa pag-abuso sa gahum o di angay nga pamatasan sa sulod sa City Hall.
