Leviste giduso ang P1K monthly allowance sa tanan nga estudyante

Giduso ni Batangas Rep. Leandro Legarda Leviste ang usa ka sugyot sa paghatag og P1,000 nga binuwan nga allowance sa tanang tinun-an sa pribado ug publikong tunghaan gikan sa kindergarten hangtod sa kolehiyo.

Matod ni Leviste, ang gikinahanglan lang aron makakuha sa allowance mao ang pagtambong sa labing menos 80% sa klase matag buwan o sa gitakda sa Department of Education (DepEd) ug Commission on Higher Education (CHED).

Sumala sa magbabalaod, adunay kapin sa 27 milyon nga mga estudyante sa nasud.

Matod sa magbabalaod nga ang pundo nga gamiton alang sa iyang sugyot dili angayng ibawas sa kasamtangang pundo sa ubang mga programa.

Ubos sa proposal, kon ang estudyante ubos sa 18 anyos, ang allowance ipasa ngadto sa iyang ginikanan o guardian.