Nangandam na ang lokal nga panggamhanan sa Albay sa posibleng epekto sa Tropical Storm Leon (international name: Kong-Rey), bisan pa man nga nag-recover pa kini sa kadaot sa Severe Tropical Storm Kristine (international name: Trami).
Matod sa Albay Public Safety and Emergency Management Office (APSEMO), nangandam na sila sa posibleng mga bagyo nga moigo sa nasod human ni Kristine nga miresulta sa gibanabanang P1.3 bilyones nga danyos sa imprastraktura.
Lakip sa mga dagkong proyekto sa imprastraktura nga naguba sa Albay mao ang mga kadalanan.
Samtang, padayon gihapon ang pagbaha sa mga lungsod sa Oas, Polanggui, ug Libon samtang wala pay kuryente sa Pio Duran.
Kaniadtong Domingo nagtigom ang provincial goverment aron hisgotan kon unsaon pag-apod-apod ang P50 milyones nga hinabang nga gihatag ni Presidente Ferdinand “Bongbong” Marcos Jr., ug mga pagpangandam kon ugaling maigo si Leon sa maong dapit.
