Namatay na si Mercy Sunot, lead vocalist sa OPM rock band nga Aegis, sa edad nga 48 human sa pakigbisog batok sa breast ug lung cancer.
Gikumpirma sa banda nga Aegis ang kamatayon ni Mercy pamaagi sa usa ka Facebook post samtang nagpasalamat sila kang Sunot alang sa iyang kontribusyon sa banda.
Ang OPM band nmihngyo usab sa mga fans nga hinumduman si Sunot alang sa musical legacy nga iyang gibilin. Sa laing bahin, nagbaha karun ang mga tribute gikan sa mga fans ug mga higala sa industriya aron saulogon ang legasiya ni Sunot.
Nisikat ang banda nga Aegis atung ’90s pinaagi sa mga hit songs nga “Halik,” “Sayang na Sayang,” ug “Luha.”
Ang Aegis gilangkuban ni Sunot ug sa iyang mga igsoon nga sila Juliet ug Ken. Apil usab sa Aegis sila Stella Pabico, Rey Abenoja, Rowena Adriano, ug Vilma Goloviogo.
