Napilian ang Tony Award-winning singer ug Broadway star nga si Lea Salonga nga latest celebrity nga i-immortalize isip Madame Tussauds wax figure.
Gipagawas kini sa publiko sa social media pages sa Madame Tussauds Singapore kagahapon,Hunyo 5.
Human sa pagpakita sa behind-the-scenes sa paghimo sa wax figure, gibutyag usab sa Filipino icon nga usa ka dakong dungog ug prebilihiyo nga eksperyensya nga madugang siya sa mga personalidad nga adunay wax figure.
Gawas sa local productions ug nga proyekto, nailhan si Lea sa musicals sa Broadway sa New York ug sa West End sa London.
Nahimong star siya sa Miss Saigon, Les Misérables, Once on This Island, ug ang pinakauliha mao ang Here Lies Love nga may upat ka Tony Award nominations lakip ang Best Choreography, Best Sound, Best Original Score (Music and/or Lyrics) Written for the Theater, ug Best Scenic Design of a Musical.
Ang 53-anyos man nga singer-actress mao ang singing voice sa likod sa Disney princesses nga silang Jasmine ug Mulan.
