Naghatag og reaksyon si Atty. Dominador Lagare Jr., usa ka law professor sa Mindanao State University-General Santos, kabahin sa daghang objections nga gipangmugna ni Atty. Carlo Narvasa sa ikaduhang adlaw sa pagdungog sa impeachment case ni Vice President Sara Duterte.
Matod ni Atty. Lagare, kabahin sa trabaho sa defense counsel ang pagbatok o pag-object sa mga pangutana, testimonya, ug ebidensiya nga ilang giisip nga dili angay dawaton sa korte.
Apan iyang gipasabot nga ang matag objection kinahanglan gihapon ibase sa legal nga rason ug dili lamang aron mapugngan ang dagan sa proceedings.
Gipunting usab niya nga normal lamang sa usa ka pagtaral ang pagpakita sa duha ka kampo sa ilang legal nga estratehiya, ilabina sa usa ka kaso nga sama sa impeachment trial nga gitan-aw sa publiko.
