GENERAL SANTOS CITY -Lauman matud pa ang mas hugot nga law enforcement operations militar aron mapugngan ang mga dautang elemento nga gagamit ug pusil aron makapanghadlok, makapang-extort og muhimo og kasamok.
Kini human sa malampusong operasyon sa 33rd Infantry Batallion Philippine Army sa Brgy. Tual, Datu Paglas Maguindanao niadtong Abril 13..
Sa pakighinabi sa Bombo Radyo GenSan, gibutyag ni Batallion commander Lt.Col. Harold Cabunoc nga ilang naaresto ang lima ka gituohang miyembro sa Bangsamoro Islamic Freedom Fighters samtang narekober usab ang mga tag-as nga kalibre sa pusil.
Gikadugang pa ni Cabunoc, lakip usab sa ilang kampanya ang pagsumpo sa mga Political armed groups sa ilang area of responsibility.
Kahibaluan nga nakumpiska sa mga rebelde ang duha ka m16 rifle, m14 rifle og duha ka caliber 45 pistol.
Samtang anaa na sa kustodiya sa kapulisan sa Datu Paglas ang lima ka BIFF members nga nadakpan.
