Miabot sa gibanabanang 1.3 ngadto sa 3.2 kilometros ang pagdagayday sa lava gikan sa Mi-isi, Bonga, ug Basud Gullies sa Bulkang Mayon kagahapong adlawa.
Sumala sa Philippine Institute of Volcanology and Seismology (Phivolcs), ang pag-pagdagayday sa lava natala gikan sa alas 7:13 hangtod alas 10:05 sa gabii, samtang nagpadayon ang pagbuto sa bulkan.
Samtang, ang Phivolcs nagtaho nga karong Dominggo og 253 ka rockfall events, 44 ka pyroclastic density currents o usons, ug usa ka volcanic earthquake.
Usa ka 2,327-ton nga sulfur dioxide flux ang natala usab niadtong Sabado, ug usa ka plume ang misaka hangtod sa 600 metros gikan sa crater sa wala pa mokatap sa habagatan-kasadpan ug amihanan-sidlakan.
Ang pagsidlak sa crater ug paghubag sa bulkan nagpadayon usab nga naobserbahan, matod sa ahensya.
Ang Alert Level 3 nagpabilin sa Bulkang Mayon, diin ang pagsulod sa unom ka kilometro nga permanent danger zone ug ang paglupad sa bisan unsang eroplano ibabaw sa bulkan hugot gihapon nga gidili.
