GENERAL SANTOS CITY – Planong himuon nga national goverment center ang Laray Bagsakan Area sa Alunan, Brgy Bula ning siyudad.
Kini ang gibutyag sa Bombo Radyo ni Mary Ann Bacar, labaw sa City Housing and Land Management Office, sa tumong nga sa usa na lang ka lugar mahimutang ang mga buhatan sa gobyerno aron sayon na lang alang sa publiko ang pagkuha ug pag-asikaso ug mga mahinungdanon nga dokumento gikan sa gobyerno.
Kini gawas pa sa rason nga dili maayong talan-awon sa tunga sa siyudad ang kasamtangang sitwasyon sa Bagsakan area, hinungdan nga planong tangtangon.
Ug gani, han-ay na matud pa ang maong plano, kung asa ang Pag-ibig, GSIS ug Comelec, ang nagpadayag na sa ilang intensyon sa pagbalhin sa maong lugar.
Samtang may ginatan-aw na matud pa nga area ang siyudad aron kabalhinan sa Bagsakan.
