Nabalaka karon ang mga residente sa Conel ning dakbayan gumikan sa natigayon nga landslide kung asa nagresulta sa dakong kalamidad kung mabuhang.
Matud pa ni Kag. Rogelio Mascardo sa Barangay Conel nga natigayon ang pagdahili sa yuta sa dihang nag-ulan sa miaging adlaw.
Sa iyang pamahayag nga ang mga nagdahili nga yuta ang mibara sa Klaja River hinungdan nga nababagan ang tubig gikan sa taas nga bahin.
Gibana-banaan nga anas sa 300 hangtud sa 400 feet ang gilawmon sa tubig.
Gibutyag nga anaa sa tulo ka kilometros ang tubig nga nakapondo sa klaja river.
Samtang nakig-alayon na sila sa lokal nga gobyerno sa dakbayan kalabutan sa maong problema.
Matud pa ni Kag. Mascardo nga may team na nga gimugna aron mututok sa maong landslide nga nahitabo.
Ang mga magmonitor ang magbilin sa Barikot Peak gumikan makita na ang nag-landslide nga area.
Ang ilang gikabalak-an nga kung mabuhang daghang lugar sa dakbayan ang mabahaan.
