GENERAL SANTOS CITY– Gipaabot na lamang sa kapulisan nga hingpit makarekober ang kandidato pagka-Governor sa Sarangani Province nga gipusil ug nadala sa hospital human nakagawas sa operating room nakalabay nga adlaw.
Kini ang pahayag ni Police Capt. Miguel Angelo Quidilla, Chief of Police sa San Isidro Police Station kalabutan sa padayon nga imbestigasyon sa pagpusil kang Gladden Lim, 48 anyos nga residente sa Purok 10 Alabel Sarangani.
Nagpasalamat ang kapulisan nga wala magmalampuson ang suspek dihang gipusil makalima ka higayon ang biktima luyo nga nakaangkon ug duha ka samad sa tiyan nga bahin.
Matud ni Quidilla nga nagrequest na sila sa PNP Crime Laboratory alang sa cross matching sa lima ka basyo sa caliber 45 pistol aron mahibaw-an kung ang armas nga gigamit ang nalambigit na sa ubang mga pagpamusil sa Gensan ug Sarangani Province.
Una ng gibutyag sa kapulisan nga walay kalabutan ang pulitika sa pagpamusil sa biktima og sa karon ang usa sa mga gitan-aw nilang motibo ang kabahin sa land conflict.
Gikumpirma usab ni Atty. Edsel Lim, asawa sa biktima nga nakadawat sila og death threat una pa ang pagpamusil.
Kahinumduman, pasado alas sais sa gabii kaniadtong Sabado gipusil ang biktima sa Seventh Day Adventist Compound sa Dacera Avenue Barangay City Heights niining dakbayan
