GENERAL SANTOS CITY – Land conflict ang gitan-aw nga motibo sa kapulisan sa natigayong pagpamusil sa Purok 1-A Brgy. Landan Polomolok, South Cotabato.
Kahibaluan nga angol ang tulo katao nga ang duha mag-igsuon nga silang Romelo Tampaan, 35 anyos nga nakaangkon ug nagkadaiyang parte sa lawas og Clifford Tampaan, naigo sa ubos sa iyang paa og ang ilang ig -agaw nga si Jomel Tampaan nga naigo sa ubos sa iyang liog.
Sa pakighinabi sa Bombo Radyo, gibutyag ni Police Lt. Col. Samuel Cadungon, hepe sa Polomolok Municipal Police Station nga pasado alas 5 sa buntag kagahapon dihang nakadawat sila og tawag gikan sa usa ka concern citizen kalabot sa natigayong pagpamusil hinungdan nga gilayong girespondihan.
Padulong ang mga biktima sa ilang balay dihang natigayon ang insidente.
Una pa niini, nagtambay si Romelo sa koral nga bahin apan miabot ang suspek og kalit silang gipabuthan.
Narekober sa kapulisan sa lugar ang 9 fired cartridge sa 45 calibre pistol, buhing bala niini, bala sa 5.56 nga pusil og fired cartridge og buhing bala usab sa garrand riffle og carbine.
Sa pahayag pa ni Lt. Col. Cadungon nga padayon ang hot pursuit operation sa iyang mga sakop human nga nailhan na ang mga responsable sa pagpamusil.
Samtang nagpaalim pa sa balay tambalanan ang mga biktima
