Nagpahigayon na ug follow-investigation ingon man hot pusuit operation ang Fatima Police Station kalabutan sa natigayon nga pagpamusil-patay sa usa ka lalaking sakay saiyang sakyanan sa Purok 18, Block 6, atubangan sa Pasasambao Lying-in Clinic sa Barangay Fatima ning syudad alas 10:50 sa buntag kagahapon.
Giila sa kapulisan ang biktima nga si Jovito “Tata” Alquizar, anaa sa legal ang pangidaron, minyo, ug residente sa Zone 7, Block 3, Barangay Fatima.
Samtang ang mga suspek ang wala pa mailhi ug nagpabiling at-large, sumala pa nga 2 kabouk ang sakay sa usa ka sport-type motorcycle nga kulay itom diin ang back-rider ang dunay dalang armas ug gitiro ang biktimang si Alquizar.
Ginasuta na usab ang motibo sa maong krimen, Sa inisyal nga imbestigasyon nga ang biktima ang anaa sa driver seat saiyang sakyanan nga usa ka Toyota Vios kulay metallic gray ug temporaryong naka park sa nasampit nga lugar.
Dihang nikalit ug abot ang riding in tandem ug gitiro makapila si Alquizar.
Human sa insidente daling misibat ang mga suspek sa wala matinong lugar, Samtang daling gidala sa balay tambalanan ang biktima apan gideklara kining dead on arrival sa attending physician.
