Gitan-aw sa kapulisan kung may kalabutan sa kamatayon ni Allan Pepito Gullas, 45 anyos, minyo nga taga Purok San Vicente, Labangal ning dakbayan ang pagpamusil patay sa iyang igsoon kaniadtong 2018 sa Tacurong City.
Matud pa ni P/Major Patrich Elma, chief of police sa Makar Police Station nga mas gipalawmam pa nila ang imbestigasyon sa maong panghitabo aron nga makapasaka og kaso sa mga gitudlong responsable sa kremin.
Matud pa ni Elma nga ang usa ka suspek ang nagpakaron-ingon nga magpalit og load sa tindahan sa biktima samtang ang usa ang miadto sa likod.
Sa dihang nakit-an si Gullas gipusil gilayon.
Human sa panghitabo paspas nga mihawa ang mga suspek sa crime scene.
Gilayon nga gidala sa ospital ang biktima apan gideklara nga dead on arrival.
Usa ka empty shell og usa ka fired bullet sa 9mm pistol ang nakit-an sa crime scene.
Ang usa ka suspek ang nagsul-ob og puti nga t-shirt og ang laing usa nakasul-ob sa itum nga jacket.
Kasamtangan padayon pa ang imbestigasyon sa mga otoridad sa maong panghitabo.
