Gilamoy sa usa ka balyena ang usa ka lalaki nga nag- “kayaking” nga giilang si Adrian Simancas sa kadagatan sa Santiago, Chile.
Swerte nalang nga ang maong humpback whale nga milamoy niya nga giluwa dayon kini sa wala pa milangoy sa ilawom sa dagat ang higanteng isda.
Kauban ni Adrian amg iyang amahan niadtong higayona sa dagat sa Chile partikular na sa sakop sa Punta Arenas sa dihang nahitabo ang insidente. Matod pa sa 24-anyos nga lalaki nga nakasinati kini og kakulba ug kahadlok niadtong higayona.
Nag-viral na karon sa social media ang videong nakuha sa iyang amahan sa maong panghitabo.
Gipasabot sa mga eksperto nga posibleng mokaon na unta ang balyena sa iyang tukbonon nga mao ang gagmay nga hipon o krill sa ibabaw sa dagat diin nahimutang ang biktima hinungdan nga nalamoy kini og apil sa higanteng mananap.
