-- ADVERTISEMENT --
GENERAL SANTOS CITY – Dead on arrival ang usa ka lalaki human natumbahan ug nadat-ugan sa punuan sa Balite.
Sa impormasyon, nahitabo kini alas-3:10 kagahapon sa hapon sa Nuñez St. Purok Malakas, Brgy San Isidro ning siyudad, kung asa giila ang biktima nga si Rogelio Tomas, hamtong ang pangidaron, residente sa nasampit nga lugar.
Gikabutyag nga kusog ang hangin kaniadtong tungura, kung asa samtang gabisekleta ang biktima, sakto nga natumbahan kini sa punuan sa Balite.
Napuruhan matud pa ang biktima sa ulo ug dughan, nga maoy hinungdan sa iyang kamatayon.
