Lalaki, patay dihang natumbahan sa poste

Patay ang usa ka 58-anyos nga lalaki human matumbahan sa poste samtang nagtabang sa pag-ibot niini sa Barangay Sta. Maria, Calauag, Quezon.

Ang biktima mao si alyas Reynaldo, residente sa Barangay Cuatro, Calauag.

Nakaangkon kini og dako nga samad sa ulo.

Sumala sa report sa otoridad, gidala pa sa ospital ang biktima apan gideklara nga dead on arrival.

Nagapahigayon karon ang mga otoridad og imbestigasyon kalabotan sa insidente.