Lalaki nga wanted sa kasong pagpangabuso ug babaye, sikop

GENERAL SANTOS CITY – Wala makalihok ang wanted sa pagpangabuso ug babaye human nga gibasahan sa Warrant of Arrest gikan sa Korte.

Gikumpirma sa kapulisan sa Bula ang pagkadakop sa nagpangalan ug Edilbert Davis nga taga Zone 1 Bula kagahapon.

Gamit ang warrant of Arrest nga gipagawas ni RTC Judge 22 Jose Blanza gibasahan sa iyang katungod ang suspek ug gidala sa ilang presento ug gibalhug.

Kaso nga pagsupak sa RA 9262 ukon violence against women and their children ang giatubang sa suspek .

Hinuon nagpakahilum kini sulod sa selda kalabutan sa naasoy nga kaso.