Nakuha sa CCTV footage ang usa ka lalaki nga misulod sa usa ka tindahan aron mangawat og pitaka sa Barangay Mayombo, Dagupan City. Apan giuli kini sa suspek ang pitaka uban ang sulat nga nangayo og pasaylo sa iyang krimen nga nabuhat.
Sa CCTV footage nagpakita nga mainampingong giablihan sa lalaki ang sliding door sa tindahan niadtong milabayng gabii.
Wala magdugay, misulod ang lalaki ug daling gikuha ang pitaka sa sofa.
Ang pitaka nga gikawat sa lalaki dunay sulod nga P3,000 nga cash ug ATM cards.
Ang gikawat nga pitaka napalgan sa gawas sa tindahan kaniadtong Huwebes.
Wala kuhaa ang mga ATM card, apan wala na ang kuwarta sa sulod sa pitaka.
Giapilan usab sa suspek og sulat nga nangayo og pasaylo ug nirason nga sa kapigaduhon maong nabuhat niya ang maong krimen.
