Opisyal ng giila sa Guinness World Records si Paul Oldfield, nga mas nailhan sa iyang stage name nga Mr. Methane, isip maoy naghupot sa “Longest career as a flatulist” human sa dul-an upat ka dekada nga professional performances gamit ang controlled farting.
Nagsugod ang karera ni Oldfield kaniadtong 1990 samtang nagtrabaho isip drayber sa tren.
Sa kadugayan mibiya siya sa iyang trabaho sa British Rail aron mosulod sa industriya sa kalingawan isip usa ka flatulist, usa ka talagsaon nga matang sa performer nga naggamit sa rectal control aron makamugna og tingog ug musika gikan sa pagpangutot.
Usa siya sa pipila nga nagbuhat niini sa modernong mga panahon, bisan kung adunay mga natala nga flatulist nga mga performer sa kasaysayan sukad pa sa ika-12 nga siglo sa Europe ug Japan.
Sa dagan sa iyang tulo ka dekada nga karera, si Oldfield nagpakita sa lainlaing mga salida sa telebisyon, mga paglibot sa komedya, ug mga programa sa radyo sa UK ug sa gawas sa nasud.
Lakip sa iyang nangaging mga proyekto mao ang iyang pasundayag sa Britain’s Got Talent, mga patalastas sa TV ug usa ka pagpakita sa Japanese TV batok sa sikat nga burper nga si Paul Hunn.
Sa pagkakaron, aktibo gihapon siya sa pagtudlo ug paglingaw pinaagi sa iyang YouTube channel ug live performances sa mga comedy club.
