GENERAL SANTOS CITY – Patay ang usa ka lalaki human nga nalumos sa swimming resort sa Olaer, Brgy Apopong ning dakbayan.
Giila ang biktima nga si Marvin James Olano, 21 anyos nga residente sa Malok Brgy Labangal ning syudad.
Matud pa ni Helen Bayona, iyaan sa biktima, nga natigayon ang insidente alas 4:30 sa hapon kaniadtong Sabado dihang nangaligo ang pag-umangkon kauban ang mga barkada.
Pauli na unta ang mga nasampit apan nananghid ang biktima sa mga kauban nga maligo kadali una muoli.
Milukso sa tubig ang iyang pag-umangkon og dugay matud pa nga nakatunga sa ibabaw nga bahin.
Apan pipila ka minuto ang milabay, nakit-an na lamang ang nasampit nga naglutaw-lutaw na og wala nay kinabuhi.
Hinuon gikabutyag nga muhatag og pinansiyal nga tabang sa pamilya sa biktima ang pamunuan sa maong kaliguanan
