Lalaki nakurat , gipalit nga ice cream adunay bitin!

Nakurat ang usa ka lalaki sa Thailand nga nakit-an ang usa ka tibuuk nga bitin sa ice cream bar nga iyang gipalit.

Gi-share sa lalaki sa iyang Facebook post ang mga hulagway sa ice cream nga klarong makita ang ulo sa itom ug dalag nga bitin ug ingon sa makita pa ang mata.

Matod niya black bean ang flavor sa ice cream nga iyang gipalit.

Nag-viral dayon ang maong post ug niani og nagkadaiyang komento ug reaksyon.

Dunay mikomedya nga gawas sa pagpangaon, hulaton sab nga matunaw ang ice cream. Adunay usab miingon nga tingali kini ang panguna nga sangkap ug kini maayo alang sa pagpadako sa protina.

Pipila sa mga komento nagkanayon nga posibleng ang maong bitin usa ka makahilo nga ‘golden tree snake’.