Lalaki nakit-ang patay sa bunkhouse sa Koronadal

Padayon ang imbestigasyon sa Koronadal City Police sa kamatayon sa usa ka lalaki nga nakit-ang patay sulod sa usa ka bunkhouse sa Barangay Zone 2, Koronadal City, kagahapong adlawa, Disyembre 8, 2025.

Sumala sa report, ang pipila ka mga residente nakapanimaho og dili maayong baho gikan sa sulod sa bunkhouse ug dali nga nagpahibalo sa mga awtoridad.

Sa dihang giablihan ang bunkhouse, nakit-an didto ang patayng lawas sa biktima.

Sa pagkakaron, wala pa gipagawas sa pulisya ang identity sa suspek samtang naghulat sa resulta sa dugang nga imbestigasyon ug post-mortem examination.

Wala pay opisyal nga pahayag sa hinungdan sa pagpatay sa biktima, samtang nagpadayon ang lawom nga imbestigasyon aron mahibal-an kung adunay foul play.