GENERAL SANTOS CITY– Patay na dihang nakaplagan ang usa ka lalaki sulod sa ilang pinuy-anan.
Nailhan ang biktima nga si Rey Padernilla hamtong ang pangidaron nga taga Malungon Sarangani Province.
Natingala matud pa ang mga silingan nag-sige og tingog ang radyo sulod sa pinuy-anan apan walay gawas-gawas ang biktima hinungdan nga ilang gisulod ang balay. Nakit-an sa mga silingan nga nagbuy-od og wala nay kinabuhi ang biktima.
Gituohan sa pamilya og mga kabanay nga giatake sa kasing kasing ang biktima og walay foul play sa kamatayon sa nasampit.
Kini tungod walay nakit-an ang kapulisan nga may timailhan nga may natigayong kasamok sulod sa balay og wala usay nakit-ang mga bun-og o samad ang lawas sa biktima.
Ang patay nga lawas sa biktima ang anaa na sa lokal nga punerarya sa Malungon.
