Lalaki nakaikyas sa kamatayon tungod sa iyang kwentas nga gisul-ob

Nakaikyas sa kamatayon ang usa ka lalaki sa Colorado, USA tungod sa iyang gisuot nga silver necklace.

Daw nahimong usa ka agimat ang maong butang human niini nababagan ang bala nga miigo sa iyang li-og.

Subay sa post sa social media sa Commerce City Police Department, makita ang hulagway sa usa ka metal necklace nga aduna pa’y dugo.

Ingon man nga makita usab ang gamay nga tipaka sa bala.

Asoy sa awtoridad, og wala naigo sa kwentas ang bala, posibleng mas mo-grabe mahiaguman sa biktima.

Ug sa dihang giimbestigahan sa kapulisan ang metal necklace, nasayran nga dili kini tinuod ug posibleng gigama lang kini sa mas gahi nga alloy.