Nagpadayon ang pagpangita sa 27 anyos nga si John Alexis Punla, human siya gikatahong nawad-an ug kontak sa iyang pamilya.
Sumala sa impormasyon nga anaa sa missing person poster, katapusang nakita si Punla sa Baluan, General Santos City mga alas-3:00 sa hapon niadtong Hunyo 24, 2026. Gibanabana usab nga siya adunay gitas-on nga 5’9″.
Naghangyo ang pamilya ug mga higala sa publiko nga motabang pinaagi sa paghatag ug kasaligan nga impormasyon nga makatultol sa iyang nahimutangan. Adunay usab gi-anunsyo nga ₱20,000 nga cash reward alang sa makahatag ug impormasyon nga makatabang sa pagpangita kaniya.
Ang bisan kinsa nga adunay impormasyon mahitungod kang John Alexis Punla mahimong motawag sa 0945-811-2459.
Gidasig ang publiko nga kung adunay nahibaw-an o nakakita kaniya, ipahibalo dayon kini sa pamilya o sa labing duol nga kapulisan aron mapadali ang pagpangita.
