-- ADVERTISEMENT --
GENERAL SANTOS CITY – Patay ang usa ka lalaki human gipusil sa wala mailhing suspek.
Natigayon ang insidente alas-6:45, Sabado sa gabii, sa Prk 4 Lanton, Brgy Apopong ning dakbayan.
Giila ang biktima nga si Jose Dulay Jr., 34 anyos, residente sa nasampit nga lugar.
Sa imbestigasyon, samtang galingkod ug gadula sa cellphone ang biktima samtang anaa sa tapad ang iyang inahan, kalit na lang miabot ang gunman ug gihimo ang pagpamusil.
Tulo ka samad-pinusilan ang naangkon sa biktima nga maoy hinungdan sa iyang kamatayon.
-- ADVERTISEMENT --
Padayong giimbestigahan sa kapulisan ang naasoy’ng insidente, aron matumbok ang motibo, ug mailhan ang suspek.
