Laing pagsaka sa presyo sa mga produkto sa lana gipaabot sunod semana

Gipaabot ang laing pagsaka sa presyo sa mga produktong petrolyo sunod semana.

Base sa bana-bana sa Department of Energy (DOE), mahimong mosaka ngadto sa P1.00 matag litro ang gasolina.

Samtang ang diesel usbawan og P1.40 matag litro.

Ang kerosene mosaka ngadto sa P0.80 matag litro.

Pipila sa mga hinungdan nga nakit-an sa DOE mao ang padayon nga pag-atake sa Russia sa Ukraine ingon man ang $1 nga pagtaas sa presyo sa lana pagkahuman gipahamtang sa US ang mga silot sa Iran.