Laing pagsaka sa presyo sa lana gilauman sunod semana

Gikatakdang mopatuman ang mga kompanya sa lana og laing pagsaka sa presyo sa mga produktong petrolyo sa sunod semana.

Base sa inisyal nga banabana, ang presyo sa diesel lagmit motaas og P17 ngadto sa P20 kada litro samtang ang gasolina gilauman nga motaas og P4 ngadto sa P7.

Ang presyo sa kerosene gilauman nga motaas og P9 ngadto sa P12 kada litro.

Inisyal pa lang kini nga banabana ug ang opisyal nga pag-adjust sa presyo ipahibalo sa Lunes, Abril 6 ug epektibo sa Martes, Abril 7.

Mahimo usab nga mausab ang mga presyo tungod sa paglihok sa presyo sa lana sa merkado sa kalibutan.