GENERAL SANTOS CITY – Anaa na sa luwas nga kahimtang sa balay-tambalanan ang 21 anyos nga lalaki human gipusil sa motorcycle-riding criminals kagabii, sa Narra Ext. Brgy Lagao, ning dakbayan.
Giila ang biktima nga si Rodrigo Astolavio, taga-Superville Subd. Lagao, GenSan. Sa inisyal nga imbestigasyon, nag-inom ang biktima kagabii ug pipila ka kauban, dihang kalit maibot ang usa ka motorsiklo sakay ang duha ka suspek nga gitaptapan ang mga nawong.
Nakadagan pa ang biktima ug nagginukdanay sila sa mga suspek, apan nabulasot matud pa ang nasampit sa usa ka basurahan hinungdan nga napusilan sa mga suspek, gamit ang .45 caliber pistol, base sa nakuha nga empty shell sa crime scene.
Nakaangkon ang biktima ug samad-pinusilan liog, tiyan, ug paa, apan human sa malampusong operasyon, luwas na sa makuyaw nga kahimtang ang nasampit.
Giimbestigahan na sa kapulisan ang ilhanan sa mga suspek ug motibo sa krimen.
