Gipangandaman na sa syudad sa Heneral Santos ang laing hugna sa ‘Bayanihan, Bakunahan’ nga gikatakda sa Disyembre 15, 16 hangtud 17 ning tuiga.
Kini human nga malampuson ang gihimong tulo ka adlaw nga national vaccination day kung asa kapin sa walo ka million ang nabakunahan.
Apan bisag wala pa ang maong petsa padayon ang vaccination batok sa COVID 19 sa matag Rural Health Unit kon RHU og sa mega vaccination center.
Sa tulo ka adlaw nga ‘Bayanihan, Bakunahan’ sa miaging semana ika-unom ang Region 12 nga may labing daghan nga nabakunahan sa tibook Pilipinas nga mukabat sa 504,149 nga ang target anaa sa 189,645 o 63.85%.
Ang katawhan nga nakadawat sa unang dose ang siguradohon nga maturukan sa second dose aron nga may igong proteksyon batok sa COVID 19 ilabi pa nga anaa ang bahad sa omicron variant.
