Target sa Department of Health sa Region 12 nga mabakunahan ang kapin sa 1.2 million ka wala naturukan sa COVID 19 vaccines lakip sa Cotabato City sa ipahigayon nga laing hugna sa tulo ka adlaw nga “Bayanihan, Bakunahan” vaccination drive.
Gibutyag ni Dr. Aristides Concepcion-Tan, DOH-12 director, nga ang ikatulo nga hugna sa Bayanihan, Bakunahan” vaccination drive ang gikatakda sa January 24 hangtud 26, 2022.
Ang ikatulo ka hugna nga vaccination rollout ang tukmang panahon gumikan sa pagtaas sa kaso sa COVID 19 sa rehiyon.
Target nga mabakunahan ang 406,713 ka tawo kada adlaw. Sa North Cotabato, target nga bakunahan ang 452,549 ka tawo, South Cotabato 200,091, Sultan Kudarat 209,045, Sarangani 190,060, Gen. Santos City 77,938 og d Cotabato City 90,456.
Ang daily target kada adlaw sa North Cotabato ang anaa sa 150,850; South Cotabato – 66,697; Sultan Kudarat – 69,682; Sarangani – 63,353; General Santos City – 25,979; og Cotabato City – 30,152.
