GENERAL SANTOS CITY– Laing hugna sa bakuna ang miabot sa syudad kagahapong adlawa.
Gibutyag nga 90 ka vials sa AstraZeneca og 200 vials sa Sinovac ang bag-ong nadawat sa City Health Office gikan sa Department of Health-Center for Health Development SOCCSKSARGEN.
Sa pamahayag ni Dr. Jett Oco, labaw sa CHO nga ang mabakunahan sa maong bakuna ang frontline workers ilawom Category A 1.5.
Buot ipasabot nga lakip ang mga personahe gikan sa Rural Health Units, Barangay Health Emergency Response Team kon BHERTs, mga barangay health workers kon BHWs.
Sa iyang pamahayag nga adunay masterlist na ang CHO kung kinsa ang sunod nga mabakunahan.
Samtang ang human nga nabakunahan ang hatagan og vaccine card nga may TAPAT QR Code aron mamonitor usab sa mga plano sa lokal nga gobyerno.
