GENERAL SANTOS CITY – Laing centenarian na usab ang gipasidunggan sa Sangguniang panglungsod atol sa session kagahapong adlawa.
Kini mao si Nanay Iluminada Demonteverde nga taga Purok Mapailubon Brgy. San Isidro ning syudad.
Hinuon wala nakaadto ang nasampit gumikan dili na kaya sa iyang panglawas.
Nasayran nga sa miaging Marso 15, ning tuiga nagsaulog sa iyang ika-100 nga adlawng natawhan si Nanay Iluminada.
Samtang si Kagwad Beth Bagonoc ang adunay gipasa nga ordinansa nga hatagan og benepisyo ang mga centenarian.
Samtang iyang gipanguta ang SP kung asa na karon ang maong ordinansa nga napasa.
Sa maong ordinansa hatagan og 100,0000 ang nahisgutan og laing mga benepisyo.
Nasayran nga tulo na ka mga centenarian ang gipasidunggan sa SP ning higayona kon asa ang duha ang pulos nakaadto sa SP.
Sikreto matud pa sa taas nga nilang kinabuhi mao ang pagkaon og gulay og prutas.
Kahibaluan nga sa nasudnong balaud, makadawat og P100,000 ang usa ka tawo nga centenarian na kon nakaabot ang edad og usa ka gatus apan buhi gihapon.
