Laing Pfizer vaccine ang miabot sa rehiyon 12 agi sa Awang Airport, Datu Odin Sinsuat, Maguindanao.
Matud pa nga anaa sa 19,890 vials sa bakuna ang nadawat sa DOH – Center for Health Development Soccsksargen Region.
Ang maong bakuna ang gipalit og gi-donate sa COVAX facility.
Kahibaluan nga sa miaging bulan nagsugod na sa pag-abot sa rehiyon Pfizer vaccine.
Apan daghan na karon sa mga lugar sa rehiyon 12 ang may cold storage facility nga kaya nga makaamodar sa kinahanglanon nga temperatura.
Samtang sa miaging gabii nakaabot sa nasud ang kapin sa usa ka million nga doses sa COVID-19 vaccine gikan sa kompaniyang Pfizer. Anaa sa 862,290 doses ang miabot sa NAIA og 76,050 doses ang miabot sa Cebu.
Samtang sa tibook rehiyon 12 kapin na sa 500,000 ang nakadawat sa unang dose batok sa COVID 19 og kapin sa 500,000 usab ang fully vaccinated.
