GENERAL SANTOS CITY– Dungag tulo ka mga rebelde ang mibalik sa sabakan sa gobyerno aging adlaw sa Sarangani Province.
Gi-presenta ni 1002nd Brigade Philippine Army Commander Col. Adonis Bajao ngadto ni Governor Steve Chiongbian Solon ang mga nahisgutan nga mga myembro sa New People’s Army sulod mismo sa Kapitolyo sa Sarangani, kauban sila 73rd IB Commander Lt. Col. Ronaldo Valdez og 27th IB Commander Lt. Col. Jones Brisal Otida.
Matud pa ni Col. Bajao, muagi sa regular nga proseso nga imbestigasyon og ebalwasyon ang tulo aron masuta ang ilang mga partisipasyon una kini masulod sa programang E-CLIP kon Enhanced Comprehensive Local Integration Program kung diin daghan ang gapaabot nga mga benipisyo sa gobyerno.
Kahibaluan nga gikan ang tulo sa Guerilla Front 71 nga naglihukan sa Sarangani og Davao Occidental.
Dako og posisyon ang mga nasangpit tungod naglihok matud pa sila isip commanding officer, squad leader, og myembro sa medic.
Nahimong tulay ang grupo sa mga pastor sa ilang pagtahan sa kasundulahan og gilayon dayon.
Bitbit sa mga nahisgutan sa dihang nitahan sa kasundalohan ang mga dagkong matang sa armas, sama sa usa ka AK-47, usa ka Armalite og usa ka Carbine.
