Gibutyag ni Atty. Raymond Fortun nga daghan pang mga senador nga giingong nalambigit sa flood control projects scandal sa Bulacan ang posibleng hinganlan sa umaabot nga mga adlaw.
Si Fortun, kinsa nagsilbing legal counsel ni kanhi Bulacan 1st District Engineer Asst. Chief Brice Hernandez, iyang gi-leak ang pipila ka mga sensitibong dokumento nga gihuptan sa iyang kliyente nga adunay sulod nga impormasyon kabahin sa lapad nga network sa kurapsyon sa flood control projects sa nasampit nga probinsiya.
Lakip na niini ang mga pangalan sa unom ka mga senador, upat niini incumbent samtang duha ang wala na sa serbisyo.
Sa sayo pa, ang mga ngalan nila ni Sen. Jinggoy Estrada ug Sen. Joel Villanueva sa miaging mga pagdungog sa Senado bahin sa flood control scandal.
Apan, sa testimonya ni kanhi District Engineer Henry Alcantara, ang ngalan ni kanhi Senador Ramon ‘Bong’ Revilla.
Sa bahin sa mga kongresista, gawas kang Rep. Zaldy Co. ug uban pa nga gipanganlan na, aduna pay ubay-ubay nga wala pa gibutyag apan nalakip sa mga dokumento nga gihuptan ni Hernandez.
Sumala ni Atty. Fortun, ang nasampit nga mga dokumento, mao usab ang
ihatag sa Independent Commission on Infrastructure ug sa Senado, aron mahimong ebidensya sa lawom nga imbestigasyon ug kanunay nga pagpasaka sa kaso.
Matod niya nga kining tanan anaa sa usa ka distrito sa Bulacan ubos sa buhatan ni Hernandez ug wala pay labot ang flood control projects sa tibuok nasod nga mahimo usab nga makabenepisyo sa ubang mga magbabalaod.
Base sa mga dokumento nga gihuptan ni Hernandez, ang maong mga magbabalaod pulos nakadawat sa kickback system nga nahitabo sa maong distrito.
