Mibaha ug lahar nga gibuga sa Mt. Kanlaon hangtud sa La Castellana, Negros Occidental karong hapon sa Miyerkules.
Kini human sa pagbuto sa bulkan niadtong gabie sa Lunes, Hunyo 3, 2024.
Nagpadayon ang evacuation sa mga residente nga nagpuyo sa mga barangay nga apektado sa lahar.
Sa pikas bahin, nagpadayun usab ang paghatod ug hinabang sa Philippine Red Cross (PRC) sa mga pamilyang apektado sa pagbuto sa Kanlaon Volcano.
Naghatag ug pagkaon ug tubig ang PRC sa kapin 250 ka tawo sa mga evacuation center sa Negros Occidental ug Negros Oriental nga apektado sa pagbuto sa bulkan.
Nagtukod usab ang ilang volunteers ug first aid ug welfare stations sa La Carlota ug La Castellana evacuation centers.
Dinhi pipila ka bata ang misalmot sa child-friendly activities ug hygiene promotion sa PRC.
