Gipildi sa College of Saint Benilde ang Letran, sa iskor nga 27-29, 25-22, 25-22, 23-25, 15-8, alang sa ikaduhang sunod-sunod nga kadaugan sa 2025 Shakey’s Super League (SSL) National Invitationals Batangas Leg kagahapon sa University of Batangas Millennium Gym.
Ang four-time NCAA champions Lady Blazers ning-rally gikan sa fourth-set meltdown aron pildihon ang Lady Knights sa torneyo.
Si Shahanna Lleses miiskor og upat sa iyang team-high nga 19 puntos sa fifth frame sa dihang gipildi sa CSB ang Letran, kinsa ilang gi-knockout sa miaging duha ka NCAA finals.
Si Zam Nolasco midugang og 16 ka puntos ug si Clydel Catarig adunay 13 ka puntos alang sa Lady Blazers.
Gikatakdang modula ang CSB sa Far Eastern University karong alas 6 sa gabii.
Ang Lady Blazers, third placer sa miaging tuig, nagtarget sa Lady Tamaraws alang sa korona sa final stop sa three-leg tournament.
Si Judiel Nitura miiskor og 25 puntos alang sa Lady Knights, nga makigsangka sa University of Batangas sa unang dula sa alas-4 sa hapon ning adlawa.
