Subling mipadayag si Senate President Pro Tempore Panfilo “Ping” Lacson sa iyang hingpit nga suporta kang Senate President Vicente “Tito” Sotto III taliwa sa mga taho nga dunay mga senador nga nagplanong mobulag sa Senate majority bloc.
Sa usa ka interbyu, si Lacson niingon nga nagpabilin siyang kompiyansa sa pamunoan ni Sotto ug gidayeg niya ang iyang istilo sa pagpangulo nga gibase sa konsensus ug dili dinalian nga mga desisyon.
Ang pamahayag ni Lacson tungod sa pagkadismaya ni Senador JV Ejercito sa giingong kakuwang sa aksyon sa Senado batok sa mga kahiwian sa mga proyekto sa pagsumpo sa baha, hinungdan nga gikatahong iyang gikonsiderar ang pagbiya sa majority bloc.
Gitataw ni Lacson nga ang dangatan sa liderato sa Senado naa sa kamot sa mga senador, ug kon adunay 13 ka botos, mahimong hulipan ang molingkod nga lider sa Senado.
