Lacson dili mosuporta sa pag-abli sa BIR records nga walay written authority sa Pangulo

Gipadayag ni Senator-Judge Panfilo Lacson nga dili siya mosuporta sa pag-abli sa mga rekord sa Bureau of Internal Revenue (BIR) kon walay nakasulat nga awtoridad o written authority gikan sa Pangulo.

Matud ni Lacson, gikinahanglan sa balaod ang maong pagtugot sa dili pa mahimong maablihan o magamit ang mga rekord sa BIR, busa kinahanglan nga sundon ang legal nga proseso aron malikayan ang paglapas sa balaod ug mapanalipdan ang katungod sa mga nalambigit.