GENERAL SANTOS CITY – Doble ang paningkamot ang gihimo sa LGU Maasim Sarangani tungod sa pagkamatay sa labing una nga kaso human madala sa tambalanan dinhi sa syudad.
Matud ni Mayor Zyrex Pacquiao nga epektibu karong hapon nagpatuman ug cluster lockdown sa usa ka dapit sa poblacion Maasim.
Kaniadto matud pang Agusto 17 nagpa check-up kuyog sa iyang bana dinhi sa syudad ug pagkahuman mibalik sa Maasim apan naglain na ang paminaw tungod miubos ang platelet ug dihang nagpasusi sa Doktor gi diagnose nga adunay dengue mao nga nagpahospital.
Agusto 29 gi swabt matud pa kini sa mga doktor ug pagkaugma migawas nga COVID 19 positive apan pagsunod adlaw namatay ang pasyente.
Tungod niini kritikal ang sitwasyon sa Maasim tungod nag lockdown ang hospital tungod kinahanglan nga i quarantine ang tanang personahe hinungdan nga ang gadawat sa mga konsultasyon mao na lamang ang Municipal Health Office.
Nanawagan usab kini sa katawhan nga magmakalmahon ug dili mugawas sa ilang pinuy-anan. Kini tungod ang nahisgutang pasyente nga namatay ang walay travel history ug anaa lamang sa balay.
Nagduda usab ang Mayor nga natakdan sa iyang Amo ang nahisgutang babaye tungod gabiyahe matud pa kini ug isda dinhi sa dakbayan.
