GENERAL SANTOS CITY – Gipangunayan mismo ni Police Senior Supt. Maximo Layugan, labaw sa General Santos City Police Office ang pagtuyok sa presinto sa siyudad.
Kini aron inspeksyunon ang matag presinto dungan sa paghatag ug mga kamanduan sa mga on-duty nga pulis.
Kahinumduman nga sa nakalabay’ng mga semana, gipadangat sa Bombo Radyo ngadto sa city director ang duha ka desk officer nga natulog.
Ug gani, may naabtan pa ang Bombo reporters nga nagbukot ug habol ug gibabagan ang pultahan, butang nga nakuhaan gayud ug litrato.
Sa gihimong pag-inspeksyon, gibutyag ni S/Supt Layugan nga hilabihan na kahayag sa mga presinto.
Samtang, subling nagpahimangno ang naasoy’ng opisyal nga silutan gayud ang mga on-duty nga pulis nga madakpan nga matulog.
