GENERAL SANTOS CITY – Nanawagan si ret. Col. Danilo Ferrer, labaw sa Civil Security Unit kon CSU, sa iyang sakop nga si Abad Abdul Pata, nga mupatim-aw na aron makapaklaro kalabot sa nahimong pagpusil sa usa ka tricycle driver sa compound sa Dr. Jorge P. Royeca Hospital.
Sumala pa nga hangtod karon ginahulat nila ang naasoy’ng CSU member nga mahidangat sa ilang buhatan, human nga una nang misaad nga mag-report gihapon ug maghatag sa iyang pagpaklaro, apan paglabay sa pipila ka oras, dili na ma-contact ug wala gihapon nagpakita.
Kahibaluan nga base sa nakalap nilang impormasyon, gikabutyag nga miparada sa sayop nga lugar ang biktima nga si Christian Caparos, kung asa dihang gisita sa suspek, nagmagahi ang nasampit, kung asa dihang daw sa may gikuha sa iyang U-box sa traysikel, posibleng nagtuo matud pa ang suspek nga pusil ang gikuha niini hinungdan nga iyang giunhan ug pusil-butang nga padayon pang gikumpirma ug ginaberipika sa nagpadayon nilang imbestigasyon.
Una nang gibutyag nga nasuko ang suspek human siya gisinggitan ug “baboy” sa biktima, hilabi na nga usa siya ka muslim, samtang ang biktima ang nasayran nga usa ka balik-Islam.
