GENERAL SANTOS CITY – Gikalipay ni Col. Tyne Bañas, labaw sa 1002nd Brigade Philippine Army, ang pagkapili pag-usab ni Pangulong Rodrigo Duterte sa usa na usab ka personahe gikan sa militar alang sa usa ka cabinet post, partikular na sa DILG.
Sumala pa nga posibleng ang naagian nga training, disiplina, dedikasyon, ug competency gikan sa militar ang maoy nakit-an sa pangulo.
Kahibaluan nga human ang pagkatuboy kang General Roy Cimatu isip bag-ong kalihim sa Department of Environment and Natural Resorces kaniadtong Lunes, kagahapong adlawa gitudlo usab sa presidente si AFP chief of staff Eduardo Año aron dumalaan ang Department of Interior and Local Government kon DILG, kung asa pabor matud pa kini alang sa katawhang Pilipino.
Dugang pa ni Bañas nga dako ang iyang pagsalig nga makayang dumalaan ni Año ang pagka-DILG chief, ug wala na matud pa siyay nakit-an nga angayang mulingkod sa maong pwesto gumikan hilabihan kini ka-kwalipikado.
Samtang, kalabot usab sa pagtuboy sa pangulo kang Sen. Allan Cayetano isip DFA secretary, gibutyag ni Col. Bañas nga dako ang iyang pagsalig sa mga desisyon ug ginatuboy ni Pangulong Duterte isip miyembro sa iyang iyang gabinete.
