Patay ang lima ka tawo human sa miigo ang kusog nga hangin sa mga rehiyon sa Rio de Janeiro ug São Paulo sa Brazil.
Sumala sa mga taho, nakapahinabo og grabeng kadaot ang hangin nga miabot og 100 kilometro kada oras, nga maoy hinungdan sa pagkapukan sa dagkong kahoy ug mga poste sa kuryente.
Daghang kabalayan ang naputlan og suplay sa elektrisidad, samtang ang pipila ka mga dalan temporaryong gisirhan tungod sa nagkatagak nga mga debris.
Gisuspenso usab ang operasyon sa pipila ka pampublikong transportasyon samtang nagpadayon ang clearing operations sa mga otoridad.
Nagpasidaan ang mga opisyal sa panahon nga posibleng magpadayon pa ang daotang kahimtang sa panahon sulod sa mosunod nga mga adlaw.
Padayon usab nga nag-awhag ang lokal nga kagamhanan sa mga residente nga magpabilin sulod sa ilang mga panimalay aron masiguro ang ilang kaluwasan.
